gossip lanka

බෝ ගස යට ඇති බුදු පිළිමයට දෙමල සන්ධාන මන්ත්‍රීගෙන් විරෝධතා..

මුලතිව් සෙම්මාලෙයි නිරූපයඩි  ගණදෙවි කෝවිල අසල ඇති බෝගස යටට හදිසියේම කිසියම් පිරිසක් විසින් බුදු පිළිමයක් තැන්පත් කොට ඇති
බව උතුරු පළාත් සභාවේ හිටපු මන්ත්‍රී පී.රවිහරන් මහතා පැවසීය.

එහදී රවිහරන් මන්ත්‍රී වරයාගේන් මේ පිළිබඳව විමසීමේදි පවසා සිටියේ

2013 වසරේදී මේ ස්ථානයේ බුදු පිළිමය තැන්පත් කිරීමට  ගිය අවස්ථාවේදී ගණදෙවි කෝවිලේ බාරකරුවන් ඊට එරෙහි වීම නිසා යුද හමුදාව එම ස්ථානයේ බුදු පිළිමය තැබීමෙන් වැළකී සිටි බවත් මේ සම්බන්ධයෙන් ඒ කාලවකවානුවේදී පොලීසියට පවා යාමට සිදු වූ බවටයි.

ගණදෙවි කෝවිලට නුදුරින් බෝගසක් ඇති බවටත් ඒ ස්ථානයේ බුදු පිළිමයක් තැබීමට විශේෂ ආසනයක් පවා ඉදි කළ නමුත් විරෝධය නිසා කිසිවෙකුත් බුදුපිළිමය නොතැබූ බව රවිහරන් කියා සිටියේය.

නමුත් කිසියම් පිරිසක් විසින් දැනට දින කිහිපයකට පෙර එම ස්ථානයේ බුදු පිළිමයක් තැන්පත් කොට ඇති බවටත් එම ක්‍රියාව පසුපස නව රජයේ යම් බලවේගයක් ක්‍රියාත්මක වන බව පිළිගැනීමට සිදුවන බවද ඔහු පැවසීය.

වසර පහක් මුළුල්ලේම මේ ස්ථානයේ බුදු පිළිමයක් තැබීමට කිසිවෙකුටත්  අවශ්‍යතාවයක් නොතිබී හදිසියේම ඒ අවශ්‍යතාවය පැන නගින ලද්දේ කුමන හෝ යටි අරමුණක් නිසා යැයි හිටපු මන්ත්‍රීවරයා වැඩි දුරටත් පැවසීය.

– වන්නි රොමේෂ් මධුෂංඛ