ධර්ම ප්‍රචාරයට අපටත් මුල්‍යාධාර දෙනු..! - භික්ෂූන් පිරිසක් ලිට්‍රෝ ගෑස් සමාගම වටලති - (video)

භික්ෂූන් වහන්සේලා පිරිසක් ඊයේ දිනයේ කොළඹ ලිට්‍රෝ  ගෑස් සමාගම ඉදිරිපිට විරෝධතාවයක නිරත වූහ.

උන් වහන්සේ ඉල්ලා සිටියේ ධර්ම ප්‍රචාරය සඳහා තමන් වහන්සේලාට ද මාසික ආධාරයක් ලබා දෙන ලෙසයි.

ගෑස් සමාගමේ අලෙවි ප්‍රවර්ධක තනතුරක් සඳහා පූජ්‍ය දඹර අමිල හිමියන්ට රුපියල් 95,000ක මුදලක් මාසිකව ලබා දීම හෙළිවීම මුල්කරගෙන මෙම විරෝධතාවය පැවැත් වූහ.

එහි සිටි භික්ෂූන් වහන්සේලා විසින් සමාගමේ සභාපතිවරයා වෙත ලිපියක්ද බාරදෙනු ලැබීය.

ධර්ම ප්‍රචාරක කටයුතු සඳහා මුදල් ආධාර බලාපොරොත්තුවෙන් මෙම විරෝධතාවය සිදුකරන බව පූජ්‍ය ගලගම ධම්මරංසි හිමියන් සඳහන් කළහ.