මාව කපා වසන්න සේනානායකට දෙන්න හදනවා.. මං ඉල්ලා අස් වී දීලා ගෙදර යනවා - රාජ්‍ය ඇමති චම්පිකා පේ‍්‍රමදාස

අරියාදු සිදුවුනොත් ලියුම් දීලා ගෙදර යන බව විදුලිබල හා පුනර්ජනනීය බලශක්ති රාජ්‍ය අමාත්‍ය කෑගල්ල දිස්ත‍්‍රික්ක එක්සත් ජාතික පක්ෂ පාර්ලිමේන්තු මන්ත‍්‍රී ඒ.ඞී. චම්පිකා පේ‍්‍රමදාස මහතා කෑගල්ලේදි පැවසීය.

ඒ මහතා ඒ බව පැවසුයේ ගලිගමුව සහ කෑගල්ල බල ප‍්‍රදේශවල ස්වෙච්ජා සමිති සඳහා උපකරණ බෙදාදීම වෙනුවෙන් පැවැති උත්සවයකට පස්වරුවේ එක් වෙමිනි.

එහිදි එතුමා මෙසේ පැවසීය.

‘දැදිගම ආසන සංවිධායක ධූරයෙන් ඉවත්කර ඒ සඳහා වසන්න සේනානායක මහතා ගෙන ඒමට කෑගල්ල දිස්ත‍්‍රික්කය නියෝජනය කරන ප‍්‍රබල පාර්ලිමේන්තු අමාත්‍යවරයෙක් සහ කණ්ඩායමක් කටයුතු කරන බවත් පක්ෂයේ අසීරු අවස්ථාවලදි පක්ෂයත් පක්ෂිකයන් ආරක්ෂා කල තමන්ට එවැනි ආරියාදු සිදු වුවහොත් පක්ෂයේ නායකත්ය මණ්ඩලයට තම ඉල්ලා අස්වීමේ ලිපිය ලියා දී ගෙදර යන බව අමාත්‍ය වරයා පවසනවා.

මම ප‍්‍රාදේශිය සභාවෙන් පටන්ගෙන පළාත් සභාවට ඉන් පසුව පාර්ලිමේන්තුවට පස්වතාවක් ගිහින් අපරාජිත මන්ත‍්‍රීවරයෙක් ලෙස ගමනක් ආපු මිනිහෙක්. මට දැදිගම භාරගන්න කියල පක්ෂය විසින් මිට අවුරුදු ගණනාවකට කලින් මම රඹුක්කන ආසන සංවිධායකවරයා ලෙස කටයුතු කරන සමයේදි ඉල්ලීමක් කළා.

ඒ ඉල්ලීමට තමයි එදා මම දැදිගම භාරගත්තේ පක්ෂයට අමාරු අසීරු අවස්ථාවලදී දැදිගම එජාපය ආරක්ෂා කලේ මම දැන් මෙතනට වෙනත් උදවිය ගෙන්න උත්සහ කරන අය එදා කොහෙද හිටියේ ? මොනවද කලේ ? මම දේශපාලනයෙන් යැපෙන මිනිහෙක් නොවෙයි මම මාගේ ධනය දේශපාලනය වෙනුවෙන් කැප කරන පුද්ගලයෙක් එක නිසා මට මෙකෙන් ඉවත් වෙන්න අමාරු නැහැ ගමට වේලා මාගේ ව්‍යාපාර කරගෙන ඉන්න පුළුවන් සිතේ සැනසිල්ලේ අරියාදුවලට මං බය නැහැ එහෙම අරියාදු බිඳ ගෙන දේශාපාලනයට ආවේ නමුත් ඇතුලේ කුමන්ත‍්‍රණ කරලා මට අරියාදුකම් කරන්න අවොත් මං ඒවාට උත්තර දෙනවා ඔය ලොකුයි කියන උදවියට මම ලියුම ලියල තියෙන්නේ එක දෙන්න වැඩ සිද්ද වුනොත් දීලා ගෙදර යනවා’

කෑගල්ල නගර සභාවේ විපක්ෂ නායක උෂාන් රණතුංග මහතා විසින් මෙම උත්සවය ඔහුගේ නිවසේ සංවිධානය කර තිබුණි.

– සමන් විජය බණ්ඩාර