ලංකාව රුසියානු හෙලිකොප්ටර් ගන්න යයි !

රුසියාවේ නිෂ්පාංදිත MI 17 වර්ගයේ හෙලිකොප්ටර් යානා කිහිපයක් මිලිදී ගැනීමට ශ්‍රී ලංකාවේ අවධානය යොමුව ඇතැයි වාර්තා වේ.ශ්‍රී ලංකාව විසින් සිදුකරන එක්සත් ජාතීන්ගේ සාමසාධක හමුදා මෙහෙයුම් වෙනුවෙන් යොදා ගැනීමට මෙම හෙලිකොප්ට් යානා මිලදී ගැනීමට නියමිතය.
මේ පිළිබඳව සාකච්ඡා පැවැත්වෙමින් තිබෙන අතර රුසියාවේ ශ්‍රී ලංකා තානාපති ආචාර්ය දයාන් ජයතිලක මහතාද සඳහන් කර ඇත්තේ මේ පිළිබඳව සාකච්ඡා පවත්වමින් සිටින බවයි.

කෙසේවුවද, මේ දක්වා මිලදී ගැනීමට යන හෙලිකොප්ටර් සංඛ්‍යාව පිළිබඳව අවසාන එකඟතාවක් නොමැති අතර 1990 සිට ශ්‍රී ලංකාව අවස්ථා කිහිපයකදීම මෙම වර්ගයේ හෙලිකොප්ටර් මිලදී ගෙන තිබේ.

ලොව පුරා රටවල් 100කට අධික සංඛ්‍යාවක් මෙම හෙලිකොප්ටර් භාවිත කරයි.

ගුවන් භාණ්ඩ ප්‍රවාහනය, මගී ප්‍රවාහනය, සෙවීමේ හා මුදවා ගැනීමේ මෙහෙයුම් ආදි විශාල පරායක කටයුතු සඳහා මෙම හෙලිකොප්ටර් භාවිත කරයි.
gossip lanka