බීමත් ලාල් කාන්ත ජනතා විමුක්ති පෙරමුණෙන් නෙරපයි ?

බීමතින් රිය පදවා අනතරක් සිදු කිරීම හේතුවෙන් පොලිස් අත්අඩංගුවට ගෙන ඇති ජනතා විමුක්ති පෙරමුණේ දේශපාලන මණ්ඩල සභික හිටපු පාර්ලිමේන්තු මන්ත‍්‍රී කේ.ඩී. ලාල් කාන්ත මහතා ජනතා විමුක්ති පෙරමුණෙන් ඉවත් කරනු ඇති බව එම පක්‍ෂ අභ්‍යන්තර ආරංචි මාර්ග කියා සිටී.

කිසිදු මත්ද‍්‍රව්‍යයක් භාවිත නොකරන විනයවත් සාමාජිකයන් පමණක් සිටින බවට වේදිකාවන්වලදී ජවිපෙ නායකයන් විසින් පැවසුවද දේශපාලන මණ්ඩල සභිකයෙකුම වෙරිමතින් රිය අනතුරක් සිදුකිරීම සමාව නොදිය යුතු විනය විරෝධී කටයුත්තක් යයි දැනටමත් එම පක්‍ෂ ඉහල මට්ටමේ බොහො දෙනෙකු දරමින් සිටින මතයයි.

මතවාදී අරගලයන් හා වෙනත් චෝදනා මත ජවිපෙන් මීට කලින්ද නායක මට්ටමේ පුද්ගලයන් ඉවත් කර හා ඉවත් වී ඇති නමුත් බේබදුකම හේතුවෙන් නායකත්ව මට්ටමේ පුද්ගලයකු ඉවත් කිරීම හෝ නොකිරීම ගැන එම පක්‍ෂයේ සාකච්චාවක් ඇතිව තිබෙන්නේ මුල් වරටයි.

ලාල් කාන්ත මහතා මීට පෙරද මේ ආකාරයේ හැසිරීම් සිදුව ඇති බව පක්‍ෂ සාමාජිකයෝ දැන් දැන් රහසේ තොරතුරු එලි කරමින් සිටිති.