‘TNA අයවැයට ඡන්දය දෙන්නේ ඇයි’… අපට පහදනු.. – TNA ශිවශක්ති ආනන්දන් පාර්ලිමේන්තුවේදී පළු ආරී !

දෙමළ ජාතික සන්ධානයේ පාර්ලිමේන්තු මන්ත්‍රී ශිවශක්ති ආනන්දන් මහතා අයවැය විවාදයට එක්වෙමින් දෙමළ ජාතික සංධානයට දැඩි විවේචනාත්මක අදහස් පළ කළේය.

ඔහු සදහන් කර සිටියේ දෙමළ ජාතික සන්ධානයෙන් මෙවර අයවැයට සහාය දෙන්නේ නම් ඒ කුමන පදනමක් මතද කුමක්ද කුමන හේතුවකට දැයි උතුරේ ජනතාවට පැහැදිලි කළ යුතු බවයි.

එමෙන්ම මෙවර අයවැය යෝජනාවලිය මගින් කර ඇති යෝජනාවක් වන අතුරුදහන් පුද්ගලයෙකුට රුපියල් 6000 ක දීමනාව හිඟන්නෙකුට ලබාදෙන රුපියලක් වැනි යැයි ද ඔහු කීවේය.

ශිවශක්ති ආනන්දන් මහතාට දෙමළ ජාතික සන්ධානයෙන් වසර දෙකක පමණ කාලයක් පාර්ලිමේන්තුවේ අදහස් පල කිරීමට වෙලාව ලබා නොදුන් අතර ඊයේ දිනයේදී ඔහු අදහස් පළකරන ලද්දේ විපක්ෂ නායක මහින්ද රාජපක්ෂ මහතාගේ මැදිහත්වීමෙන් ලබාදුන් කාලයකදීය.