20ට කථානායකගේ අත්සන…20 වන සංශෝධනය අද සිට ක්‍රියාත්මකයි

20 වන ආණ්ඩුක‍්‍රම ව්‍යවස්ථා සංශෝධන පනතට කතානායක මහින්ද යාපා අබේවර්ධන මහතා අද පෙරවරුවේ අත්සන් තබා තිබෙනවා. ඒ අනුව ව්‍යවස්ථාදායක සභාව අදින් අහෝසි වනවා. එම අවස්ථාවට පාර්ලිමේන්තු මහලේකම්වරයා සහ නියෝජ්‍ය මහලේකම්වරයා ද එක්ව සිටියා. ඒ අනුව කතානායකවරයා එම පනතට අත්සන් කළ මොහොතේ සිට 20 වන ආණ්ඩුක‍්‍රම ව්‍යවස්ථා සංශෝධන පනත බලාත්මකයි. 

පොම්පියෝ කොච්චිකඩේ පල්ලියට එද්දී කාදිනල් හිමි නොසිටියේ ඇයි?

පාස්කු ප්‍රහාරයෙන් එවකදී බරපතළ හානි සිදුවූ කොච්චිකඩේ ශාන්ත අන්තෝනි දේවස්ථානය නැරඹීම සදහා අමෙරිකානු රාජ්‍ය ලේකම් මයික් පොම්පියෝ මහතා පැමිණෙද්දී අගරදගුරු මැල්කම් රංජිත් හිමිපාණන් එම අවස්ථාවට සහභාගී නොවීම සම්බන්ධයෙන් මේ වනවිට දේශපාලන ක්ෂේත්‍රයේ කිසියම් කතාබහක් මතුව තිබේ.

20ට අත් ඉස්සූ අයට පුටු දෙන්නත් එපා : කිරිඇල්ල කතානායකට ලියයි

20 වන සංශෝධනයට පක්ෂව ජන්දය භාවිත කළ පිරිස සමගි ජන බලවේගයේ මන්ත්‍රී කණ්ඩායමෙන් නෙරපීමට තීරණය කොට ඇති අතර ඔවුන්ට පාර්ලිමේන්තු සභා ගර්භයේ අසුන් පැනවීමේදී සමගි ජන බලවේගයේ මන්ත්‍රී කණ්ඩායමෙන් පරිබාහිරව ආණ්ඩු පක්‍ෂයේ අසුන් පැනවීමට කටයුතු කරන මෙන් විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා කතානායකවරයාගෙන් ඉල්ලීමක් කොට ඇත.

කොරෝනා යයි සැක මරණ 06ක් රෝහල් 03ක !

ඊයේ පස්වරු වන විට කොළඹ ජාතික රෝහල, IDH රෝහල, මුල්ලේරියාව රෝහල යන රෝහල් වල කොරෝනා ආසාදිත යැයි සැක සහිත මරණ 06ක් වාර්තා වී තිබේ.

ඒ අනුව මෙම පුද්ගලයන් මිය ගියේ කොරෝනා වෛරසය හේතුවෙන් ද සොයා බැලීමට PCR පරීක්ෂණ සදහා ජීව සාම්පල යොමු කර ඇත.

කොවිඩ්19 වෛරසය ආසාදනයෙන් සිදු විය හැකි මරණ සංඛ්‍යාව ඉහළ යා හැකියි - රජයේ වෛද්‍යය නිලධාරින්ගේ සංගමය

කොළඹදී පැවති මාධ්‍ය හමුවක් අමතමින්,ශ්‍රී ලංකාවේ කොවිඩ්19 වෛරසය ආසාදනයෙන් සිදුවිය හැකි මරණ සංඛ්‍යාව ඉහළ යාමේ බරපතල තත්ත්වයක් පවතින බව රජය මෙන්ම ජනතාවද අවබෝධ කරගත යුතු බව රජයේ වෛද්‍ය නිලධාරීන්ගේ සංගමය පවසා සිටියේය.

PCR යන්ත්‍රයක් අක්‍රියයි..පරීක්ෂණ 20,000ක ප්‍රතිපල ප්‍රමාදයි..යන්ත්‍රය ගෙන්වීමත් මගඩියක් !

නැගෙනහිර කොළඹ මූලික රෝහලේ ස්ථාපිත කළ නව රසායනාගාරයේ පී.සී.ආර්. යන්ත්‍රයක් අක්‍රීය වීම හේතුවෙන් පී.සී.ආර්. පරීක්ෂණ සාම්පල විසිදහසකට ආසන්න සංඛ්‍යාවක ප්‍රතිඵල වාර්තා නිකුත් කිරීම ප්‍රමාද වී ඇති බව පුවත්පතක් වාර්තා කර තිබෙනවා.

පොම්පියෝ කොළඹ සිටිද්දීම චීන තානාපතිගෙන් ට්විටර් ප‍්‍රහාරයක් !

ඇමරිකා එක්සත් ජනපදයට එක් අවස්ථාවක චරිත දෙකක් ක්‍රියාත්මක කළ හැකි යැයි කොළඹ පිහිටි චීන තානාපති කාර්යාලය සඳහන් කරයි.

තම ට්විටර් ගිණුමේ සටහනක් තබමින් එම කාර්යාලය මේ බව සඳහන් කරන්නේ ඇමරිකානු රාජ්‍ය ලේකම් මයික් පොම්පියෝ මහතාගේ මෙරට සංචාරය අතරතුර දී ය.

ජනපති පොම්පියෝ හමුවේ - සාකච්චා වූ දේ මෙන්න

එක් දින කෙටි සංචාරයක් සඳහා මෙරටට පැමිණ සිටින ඇමරිකා එක්සත් ජනපදයේ රාජ්‍ය ලේකම් මයික් පොම්පියෝ මහතා අද පෙරවරුවේ ජනාධිපති ගෝඨාභය රාජපක්ෂ මහතා හමුවිය.

කොළඹ පිහිටි ඇමෙරිකානු තානාපති කාර්යාලය මෙම හමුව සම්බන්ධයෙන් තම නිල සමාජ ජාල ගිණුමේ සටහනක් තබා තිබේ.

මියගිය කොරෝනා රෝගී කාන්තාවට ප්‍රතිකාර කළ හෙදියට අත්වූ ඉරණම

කුලියාපිටිය, යාකරවත්ත නිරෝධායන මධ්‍යස්ථානයේ නිරෝධායනය වෙමින් සිටි කුලියාපිටිය ශික්ෂණ රෝහලේ හෙද නිලධාරිනියකට කොවිඩ් – 19 ආසාදනය වී ඇතැයි කුලියාපිටිය රෝහල් ආරංචි මාර්ග පවසනවා.

සැගව සිටි බදියුදීන් CIDය එන විට ඇපල් දුරකතනය උඩුමහලෙන් බිමට දාලා !

හිටපු කර්මාන්ත හා වාණිජ කටයුතු ඇමැති සබජ පාර්ලිමේන්තු මන්ත්‍රි රිෂාඩ් බදියුදීන් මහතා සැඟවී සිටි දෙහිවල ඇන්ඩර්සන් පාරේ පිහිටි තෙමහල් නිවසේ තුන්වන මහලේ සිට ඔහුට අයත් ඇපල් වර්ගයේ දුරකතනය බිමට දමා ඇති බව නියෝජ්‍ය සොලිසිටර් ජනරාල් දිලීප පීරිස් මහතා ඊයේ (28) කොටුව මහේස්ත්‍රාත් ප්‍රියන්ත ලියනගේ මහතාට දැනුම් දුන්නේය.

මට සමාජ මාධ්‍ය හරහා මඩ ගැසූ අයට විරුද්ධව නඩු ගන්නවා - ඩයනා

සමාජ මාධ්‍ය ඔස්සේ තමන්ට පහර දුන් පුද්ගලයින්ට එරෙහිව නීතිමය පියවර ගැනීමට අදහස් කරන බව සමගි ජන බලවේග ජාතික ලැයිස්තු පාර්ලිමේන්තු මන්ත්‍රී ඩයනා ගමගේ පවසයි. ඩයනා ගමගේ  කියා සිටියේ ආණ්ඩුක්‍රම ව්‍යවස්ථාවේ 20 වන ව්‍යවස්ථා සංශෝධනයට සහය දැක්වීමෙන් පසු සමාජ මාධ්‍යවල තමාට එරෙහිව අසත්‍ය චෝදනා පළ කර ඇති බවයි.

තවත් මරණ දෙකක් වාර්තා වෙයි - මෙරට කොවිඩ් මරණ ගණන 19ක් දක්වා ඉහළට !

මෙරට 18 සහ 19 වන කොවිඩ් මරණ දෙක ද වාර්තා මේ වන විට වාර්තා වී තිබේ.

මෙලෙස මියගොස් ඇත්තේ, කොළඹ ජාතික රෝහලට ඇතුළත් කර සිටි වයස අවුරුදු 87 ක කාන්තාවක් සහ වයස අවුරුදු 19 ක තරුණයෙකි. 

දුමින්ද සිල්වා බීල හිටිය නිසා නිදහස්කර සමාජගත කරන්නැයි මනෝ ඉල්ලයි

මරණීය දණ්ඩනය නියම වී ඇති හිටපු පාර්ලිමේන්තු මන්ත්‍රී දුමින්ද සිල්වා මහතා නිදහස් කොට සමාජ ගතකළ යුතු බව දෙමළ ප්‍රගතිශීලි සන්ධානයේ නායන මනෝ ගනේෂන් මහතා නිවේදනයක් නිකුත් කරමින් පවසයි. ඝාතන චෝදනායවක් මත මරණ දඬුවම නියම වී සිරගත වී සිටින හිටපු කොළඹ දිස්ත්‍රික් පාර්ලිමේන්තු මන්ත්‍රී දුමින්ද සිල්වා මහතා අදාල සිද්ධිය සිදුවන අවස්ථාවේ මත්පැන් පානය කර සිටි බව මනෝ ගනේෂන් මහතා සිය ලිපියෙන් පෙන්වා දී තිබේ.

පොම්පියෝ එන්නේ MCC සහ SOFA ගිවිසුම් ගහන්න – චම්පික (video)

අමෙරිකානු රාජ්‍ය ලේකම් මයික් පොම්පියෝ මහතා ශ්‍රී ලංකාවට පැමිණෙන්නේ MCC සහ SOFA ගිවිසුම් අස්සන් කිරීමට බව සමගි ජන බලවේගයේ පාර්ලිමේන්තු මන්ත්‍රී පාඨලී චම්පික රණවක මහතා අවධාරණය කරයි.

 ඔහු පෙන්වා දෙන්නේ පොම්පියෝ මහතා සිය ආසියානු සංචාරය ආරම්භ කිරීමට ප්‍රථම පැහැදිලිවම මේ බව අනාවරණය කර තිබූ බවකි.

පොම්පියෝගේ ගමනට එරෙහිව මෙරට චීන තානාපති කාර්යාලයෙන් සැර නිවේදනයක්

අමෙරිකානු රාජ්‍ය ලේකම් මයික් පොම්පියෝ මහතාගේ ශ්‍රී ලංකා සංචාරය සම්බන්ධයෙන් විරෝධය පළ කරමින් මෙරට පිහිටි චීන තානාපති කාර්යාලය දැඩි රාජ්‍යතාන්ත්‍රික භාෂාවක් උපයෝගී කරගෙන නිවේදනයක් නිකුත් කොට ඇත.

රටෙන්ම කොරෝනා වාර්තා වෙද්දී වව්නියාව-මුලතිව් විතරක් බේරුණේ කොහොමද?

වසංගත රෝග විද්‍යා අංශය විසින් මෙරට නව කොරෝනා වෛරසයේ ව්‍යාප්තියේ අධි අවදානම් කළාප පිලිබඳව නිවේදනය කොට ඇති අතර ඊට අනුව මෙතෙක් ආසාදිතයන් වාර්තා වී නොමැති දිස්ත්‍රික්ක ලෙස වව්නියාව, මුලතිව් දිස්ත්‍රික්ක දෙක පමණක් නම් කර තිබේ.

කොරෝනා වලකන එන්නතක් එවන බව ලෝක සෞඛ්‍ය සංවිධානය දැන්වුවා - සෞඛ්‍ය ඇමතිනි

කොරෝනා වෛරසය වළකන සඳහා එන්නතක් එවීමට සූදානම් කරන බව ලෝක සෞඛ්‍ය සංවිධානය විසින් දන්වා ඇතැයි සෞඛ්‍ය ඇමති පවිත්‍රා වන්නිආරච්චි මහත්මිය සඳහන් කරයි.

ඒ සඳහා සූදානම් කරන ලෙසද එම සංවිධානය දැනුම් දී ඇති බව ඇය පැවසුවාය.

“සජිත් මේ පැත්තේ ඉඳන්, ඩයනාව ඒ පැත්තට දුන්නා.. මේක සජිත්ගේ ඩීල් එකක්‘‘ – රංගේ බණ්ඩාර

සජිත් ප්‍රේමදාස, රිෂාඩ් බදියුදීන්, රවුෆ් හකීම් සහ මනෝ ගනේෂන් ආණ්ඩුව සමඟ ඩීල් එකක් දමා ඇති බව හිටපු පාර්ලිමේන්තු මන්ත්‍රී රංගේ බණ්ඩාර මාධ්‍ය හමුවකට එක්වෙමින් පවසා තිබේ. යුන්.ඇන්.පී ය ආණ්ඩුව සමඟ ඩීල් ඇතැයි බොහෝ පිරිසක් පැවසුවද ඩීල් එක ඇත්තේ කා සමඟද යන්න 20 වෙනි ආණ්ඩුක්‍රම ව්‍යවස්ථා සංශෝධනයට ඡන්දය ලබා දෙන අවස්ථාවේ පැහැදිළිව පෙනුණු බවද රංගේ බණ්ඩාර මහතා එම මාධ්‍ය හමුවේදී ප්‍රකාශ කළේය.